HADISINMU NA YAU

10th RAMADHAN 1436

Hadisin zai yi magana ne akan KYAUTATA HALAYE. Kuma an karboshi ne daga Sayyiduna Jundub bn Junadah Wanda aka fi sani da ABU DHARRIN ALGHIFFARIY (RA) shi kuma ya karbo daga Manzon Allah (saww) yana cewa:

"KAJI TSORON ALLAH A DUK INDA KAKE, KUMA KABI  BAYAN MUMMUNAN AIKI DA KYAKKYAWA, ZATA SHAFETA. KUMA KAYI MA MUTANE MU'AMALA DA KYAKKYAWAN HALI".

- Imam Tirmiziy ne ya ruwaito hadisin mai kyau ne. a wani wajen kuma yace hadisin mai kyawu ne kuma ingantacce ne.

DARASI
*********
Hakika wannan hadisin yana daga cikin Hadisan Manzon Allah (saww) wadanda suke da kalmomi Qalilan amma sun tattaro ma'anoni masu yawa.

Hadisin yana kunshe ne da umurni guda uku kamar haka:

1. JIN TSORON ALLAH : Tsoron Allah acikin dukkan lamura, shine Tushen samun kowanne irin alkhairi na duniya da lahira.

Ko acikin Alqur'ani Ubangiji ya gaya mana fa'idodin da masu tsoron Allah zasu samu. yace:

- "KUJI TSORON ALLAH, ALLAH ZAI SANAR DAKU (ILIMI)".

- "DUK WANDA YAJI TSORON ALLAH, TO (ALLAH DIN) ZAI SANYA MASA MAFITA, KUMA ZAI AZURTASHI TA INDA BA YA TSAMMANI".

- "DUK WANDA YAJI TSORON ALLAH, TO (ALLAH DIN) ZAI KANKARE MASA LAIFUKANSA, KUMA ZAI GIRMAMA LADANSA GARESHI".

- "ALLAH YANA TARE DA MASU TSORON ALLAH".

- "MASU TSORON ALLAH SUNA DA ALJANNATAI NA NI'IMAH AWAJEN UBANGIJINSU".

- "WANDA YAJI TSORON TSAYAWA GA UBANGIJINSA YANA DA ALJANNONI GUDA BIYU".

Wannan jadan kenan daga fa'idodin da masu TSORON ALLAH zasu samu anan duniya da kuma Alqiyamah. Lallai tsoron Allah babu wani hali sama dashi.

2. YIN KYAWAWAN AYYUKA : Bayan Imani da Allah, ana so mutum kuma ya horar da gabobin jikinsa bisa kyautata ayyuka.

Idan TSORON ALLAH ya zauna azuciya, sannan gabobi suka aikata ayyukan alkhairi, to tabbas mutum zai rabauta da samun yardar Allah.

3. KYAUTATA HALAYE : Shima wannan babban jigo ne wanda duk wanda yayi riko dashi zai zauna lafiya tsakaninsa da Allah, da kuma tsakaninsa da bayin Allah. Kuma Manzo (saww) yace babu abinda yafi kyawun hali nauyaya mizanin Mutum aranar Alqiyamah.

An bama ANNABI (saww) labarin wata mata wacce take kwana sallah, sannan ta wuni da azumi. amma batta zama lafiya da makobtanta. Sai Manzon Allah (saww) yace : "ITA CE FARKON WACCE ZATA SHIGA WUTA".

ZAUREN FIQHU yana kira da babbar murya ga duk wanda ya karanta wannan rubutun yayi kokari ya fara aiki da darussan dake cikinsa domin samun dacewa awannan lokaci mai albarka.

SALLU ALAN NABIYYI (SAWW).

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more