ANNABINA RAYAYYE NE ACIKIN QABARINSA

Wadansu mutane sun dauka cewar Manzon Allah (saww) ya riga ya rasu, ya tafi kenan, babu sauran wani hakkinsa akan su. Shi yasa basu damu da Girmamashi ko yawaita salati agareshi ba..

Malam Mai ZAUREN FIQHU ko zaka iya banu Hujjoji gamsassu akan cewa Ma'aiki (saww) yana nan raye acikin Qabarinsa?

AMSA
*******
Ba haka abin yake ba. Domin kuwa Manzon Allah (saww) yana ji, yana gani, har ma yana ibada acikin Qabarinsa. Kamar yadda Hujjoji zasu bayyana mana akan gaba.

1. Acikin Alqur'ani mai girma Allah ya gaya mana cewa Shaidai (wadanda suka mutu awajen Jihadi) ba mutuwa sukayi ba. suna nan rayayyu acikin Qabarinsu.

Alkah yace: "KAR KUYI ZATON CEWA WADANNAN DA AKA KASHESU BISA TAFARKIN ALLAH, SU MATATTU NE. A'A SU RAYAYYU NE ANA CIYAR DASU AWAJEN UBANGIJINSU".

Alqadhy Shawkaniy yace: "Acikin Alqur'ani ance mana Shaheedai rayayyu nd har ma ana ciyar dssu awajen Ubangijinsu. to gashi kuma Annabawa da Salihai suna sama dasu awajen daraja. To su yaya matsayinsu kenan?

Ingantattun Hadisai sun tabbatar mana da cewar su ma Annabawan suna nan araye acikin Qabarinsu. kumaImam Tirmizy da Baihaqiy sun ce hadisan ingantattu ne.

(Aduba NAYLUL AWTAAR na Shawkaniy din. Juzu'i na uku, shafi na 82.

2. HUJJAH TA BIYU: Hadisi daga Anas bn Malik (ra) daga Manzon Allah (saww) yana cewa:

"NA WUCE TA KUSA DA ANNABI MUSA ACIKIN DAREN DA AKAYI ISRA'I DANI, A KUSA DA WANI JAN TUDU, YANA TSAYE YANA SALLAH ACIKIN QABARINSA".

(aduba Sahihu Muslim hadisi na 5,858. da kuma Sunanun Nisa'iy hadisi na 1630 zuwa na 1636).

Afili Manzon Allah (saww) ya ganshi ba wai a mafarki ba. Kuma indai har Annabi Musa (as) yana nan raye har yana ibadah cikin Qabarinsa, to yaya kuma Jagoran dukkan Annabawa da Manzanni Maulana Muhammadur Rasulullahi (saww)??

3. HUJJAH TA UKU: wanu hadisin shima daga Anas bn Malik (ra) daga Manzon Allah (saww) yana cewa:

"ANNABAWA RAYAYYU NE ACIKIN QABURBURANSU. SUNA SALLAH".

(Aduba Hayatul Anbiya'i na Imamul Baihaqiy shafi na 03, MUSNADU ABIY YA'ALA juzu'i na 6, hadisi na 3425.

4. HUJJAH TA HUDU: Abu Hurairah (ra) ya ruwaito daga Manzon Allah (saww) yana cewa: "BABU WANI WANDA ZAI YI SALLAMA AGARENI FACHE SAI ALLAH YA MAYAR MIN DA RUHINA NA MAYAR MASA SALLAMAR".

- Abu Dawud ne ya ruwaito hadisin da Ingantaccen Isnadi.
- Suyutiy ya kawoshi acikin ALHAWIY LIL FATAWIY juzu'i na 2, shafi na 271 zuwa na 272.
- Shaukaniy ma ya inganta hadisin acikin NAYLUL AWTAAR juzu'i na 5, shafi na 164.
*************
DAGA ZAUREN FIQHU : Wannan ayar da kuma hadisan hujjah ne akan cewa Annabawa rayayyu ne acikin Qabarinsu. Kuma suna ji suna magana, har ma suna Ibadah.

Kuma duk inda kake, babu laifi ka halarto Manzon Allah (saww) azuciyarka, kayi masa salati sannan ka gaisheshi da tasleemi kamar kace "ASSALAMU ALAIKA AYYUHAN NABIYYU WA RAHMATULLAH WA BARAKATUH". Ballantana kuma idan kaje Ziyararsa (saww).

DAGA ZAUREN FIQHU WHATSAPP (BB PIN (5644D76B)

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more