IDAN ALQIYAMAH TA TSAYA (10)

IDAN ALQIYAMAH TA TSAYA (10)
**********************************
DA SUNAN ALLAH BUWAYI GAGARA-MISALI. SARKIN DA BASHI DA TAMKA, BAI HAIFA BA, KUMA BA HAIFARSA AKAI BA.

Salati da aminci su tabbata su dawwama bisa Annabin da Allah ya aiko domin fitar da dukkan halittu daga duhun kafirci zuwa ga hasken Musulunci da imani. Da iyalansa da Sahabbansa da dukkan nagartattun bayi.

Bayan alamomi masu girma wadanda muka ambata acikin rubutun Zauren Fiqhu na 1 zuwa na 9, sai kuma Alqiyamah ta Qara matsowa gab da afkuwarta.. Sai dai Allah Madaukakin Sarki shi ka'dai ya kebanta da sanin hakikar lokacin faruwarta.

'Boyewar da Ubangiji yayi ma hakikar lokacinta, tare da tsoratarwar da yake ma bayinsa game da ita, duk wannan ya nuni ne zuwa ga Girman lamarinta..

Idan Alqiyamah zata tsaya, ba wai shela akeyi ko sanarwa ba, Kawai ganinta za'ayi ta afku ba tare da tsammani ba.. Allah yace "BA ZATA ZO MUKU BA, FACHE LOKACI GUDA (BA TARE DA TSAMMANI BA).

Kuma yace "LAMARIN ALQIYAMAH BAI ZAMANTO BA, SAI DAI KAMAR QIFTAWAR IDO KO FIYE DA HAKA".

Lamarin Farko dai acikinta shine BUSAR QAHO.. Qaho ne wanda girmansa yafi na dukkan abinda ke doron Qasa.. Kuma yana cikin bakin wani Mala'ika ne (Israfeel) wanda aka kebanceshi da girman halittar jiki. Kamar yadda yazo a hadisi, girman kafadarsa ka'dai yafi nisan tafiyar shekaru 100.

Hakika wannan busar Qahon na tashin Alqiyamah, tamkar kiran sallah ne ga Sallah. Domin shine sanarwar faruwarta kuma yankewar rayuwar duniya kenan baki daya.

Ubangiji yace "RANAR DA ZAKU GANTA, DUK WATA MAI SHAYARWA ZATA SHAGALTA DAGA ABINDA TAKE SHAYARWA, KUMA DUK WATA MA'ABOCIYAR CIKI (JUNA BIYU) ZATA HAIFE ABINDA TAKE DAUKE DASHI. KUMA ZAKA GA MUTANE SUNA TANGA'DI KUMA BA ABIN MAYE SUKA SHA BA, SAI DAI AZABAR ALLAH MAI TSANANI CE".

Wannan fa ita ce Siffar Firgicin farko na ranar Alqiyamar. Da fatan Allah ya sanyamu cikin bayinsa amintattau.

Hakika lamarin tashin Alqiyamah da girma yake.. Shi yasa da kansa yake rantsuwa akan sha'aninta. Amma mu 'Yan Adam kamar bamu damu ba.

Ya Allah ka saukaka mana, ka yafe mana. Kayi mana rangwamen laifukanmu ka shafesu baki daya. Kayi mana rahama domin Kaine mafi Jin Qai ga bayinka.

An gabatar da karatun a Zauren Fiqhu Whatsapp (3) ranar 29/04/2018 13/08/1439.

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more