DARAJOJIN AHLUL BAITI (ALAIHIMUS SALAM)

Wannan shine kashi na hudu acikin bayanin darajoji da falalar iyalan gidan Annabin Rahama (sallal Lahu alaihi wa aalihi wa sallam) acikin jerin darussan Zauren Fiqhu :

Sayyiduna Usamah 'dan Zaidu (rta) yace "Watarana na kwankwasa kofar gidan Annabi (saww) akan wasu bukatu, Sai (Naji yana cewa) :

"WADANNAN 'YA'YANA NE, KUMA 'YA'YAN 'DIYATA. YA ALLAH NI INA SONSU KAIMA KASO SU KUMA KASO DUK MAI SONSU".

(Imamut Tirmidhiy ne ya ruwaito).

Imamu Muslim ya fitar da wani hadithi acikin Sahih nasa, juzu'i na 4 shafi na 1822. Da kuma Imamut Tirmidhiy acikin sunanu Juzu'i na 5 shafi na 128-128 dukkansu sun ruwaito ta hanyar Abu Juhaifah (Sahabin Annabi sallal Lahu alaihi wa aalihi wa sallam) yana cewa:

"Na kalli Annabi (sallal Lahu alaihi wa aalihi wa sallam) sai naga lallai Alhasan 'dan Aliyu (Radhiyallahu anhuma) yana kama dashi".

Hakanan an ruwaito ta hanyar Imamuz Zuhriy daga Sayyiduna Anas bn Malik (ra) yana cewa : "BABU WANDA YAFI KAMANNI DA MANZON ALLAH (SAWW) FIYE DA IMAMUL HASAN".

Wata riwayar kuma daga Ma'amar daga Anas bn Malik (rta) yana cewa : "BABU WANDA FUSKARSA TAFI KAMA DA TA ANNABI (SAWW) FIYE DA HASAN BN ALIY BN ABI TALIB (RTA)".

Babban Malamin Tarihin nan Ibnul Atheer ya fa'da acikin littafinsa cewa :

"Abu Ahmadal Askariy yace "Annabi (saww) da kansa ne ya sanya masa suna Al-Hasan, kuma yayi masa "Alkunyah" da Abu Muhammad. Kuma wannan ba'a ta'ba saninsa a zamanin Jahiliyyah ba".

Kuma Ibnul Atheer ya kawo riwayar    da ta nuna cewar Ummul Fadhli bintul Harith (rta) wato mahaifiyar su Abdullahi bn Abbas (rta) ita ce ta shayar da Imamul Hasan (ra) da nonon 'danta Qusam bn Abbas (Radhiyallahu anhuma).

Sayyiduna Aliyu 'dan Abu Talib (rta) yace "Yayin da aka haifi Hasan sai Manzon Allah (sallal Lahu alaihi wa aalihi wa sallam) yazo yace "KU NUNA MIN 'DAN NAWA. SHIN WANNE SUNA KUKA SANYA MASA?".

Sai nace "Na sanya masa suna "HARBU" (wato Yaqi)".

Sai Manzon Allah (saww) yace "A'A BARI DAI SUNANSA HASAN".

Yayin da aka haifi Alhusain sai muka sanya masa suna "HARBU". Sai ga Manzon Allah (saww) yazo yace "KU NUNA MIN 'DANA..SHIN WANNE SUNA KUKA SANYA MASA?".

Sai nace "Na sanya masa suna "HARBU". Sai Manzon Allah (saww) yace "BARI DAI SUNANSA HUSAINI".

Yayin da aka haifi na ukunsu,  sai Manzon Allah (sallal Lahu alaihi wa aalihi wa sallam) yazo yace "KU NUNA MIN 'DANA. SHIN WANNE SUNA KUKA SANYA MASA?".

Sai nace "Na sanya masa suna HARBU". Sai Manzon Allah (saww) yace "BARI DAI SUNANSA MUHSIN".

Sannan ya Qara da cewa "NA SANYA MUSU IRIN SUNAYEN 'YA'YAN ANNABI HARUNA NE (AS) WATO SHABAR DA SHUBAIR DA MUSHBIR".

Shi Muhsin daga baya ya rasu tun yana jariri. Kuma bayan shi Nana Fatimah ta haifi 'ya'ya Mata guda biyu da Zainabul Kubra (Ummu Kulthum) da kuma Ruqayyah (amincin Allah da yardarsa sun tabbata garesu).

Anan zamu tsaya da fatan Allah shi Qara mana imani da tsoron Allah, da Tsananin soyayya ga Manzon Allah (saww) da iyalan gidansa tsarkaka.. Ya Allah kayi mana shaidar Son Jikokin Annabinka (saww) ka kiyayemu daga Qiyayyarsu ko Qiyayyar Sahabbansa. Ka sanyamu cikin bayinka masu nagarta don falalarka da rahamarka Ameeen.

AN GABATAR DA KARATUN A ZAUREN FIQHU WHATSAPP RANAR 09/10/2017 19/01/1439).

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more