HANYOYIN SAMUN SHIGA ALJANNAH (043)

CIKAWA DA KYAKKYAWAN AIKI
**********************************
Hadisi daga Huzaifah Ibnul Yamaan (rta) yace : "Na shiga wajen Manzon Allah (saww) alokacin jinyarsa wacce ya rasu acikinta. Sai yace "ZAUNAR DANI".

Sai Sayyiduna Aliyu (ra) ya zaunar dashi ya jinginar dashi zuwa ga Qirjinsa.

Sai nace ma Aliyu din "Ya Abu Hamza, Ka kwana kana jinyarsa (wato ina so nima ka barni inyi jinyar Manzon Allah).

Sai Manzon Allah (saww) yace: "YA KAI HUZAIFAH, AI ALIYU YAFI KA CHANCHANTA DA WANNAN AIKIN..  MATSO NAN KUSA DANI".

(Da na Matso kusa dashi sai yace). "YA HUZAIFAH! DUK WANDA "LA ILAHA ILLAL LAAHU" TA ZAMANTO AIKINSA NA KARSHE KAFIN MUTUWARSA, TO ZAI SHIGA ALJANNAH. KO KUMA ZA'A GAFARTA MASA.

"YA HUZAIFAH! DUK WANDA AKA CIKA MASA (AIKINSA NA KARSHE) KAFIN MUTUWARSA DA AZUMIN RANA GUDA DOMIN NEMAN YARDAR ALLAH, ZAI, SHIGA ALJANNAH, KO KUMA ZA'A GAFARTA MASA".

"YA HUZAIFAH! DUK WANDA AKA CIKA MASA AIKINSA NA KARSHE KAFIN MUTUWARSA, DA CIYAR DA MISKINI GUDA DON NEMAN YARDAR ALLAH, ZA'A GAFARTA MASA, KO KUMA ZAI SHIGA ALJANNAH".

Sai Huzaifah yace "Ya Rasulallahi, Shin in 'boye wannan albishir din kp kuwa in bayyanar dashi?". Sai yace ''A'A KA BAYYANAR DASHI".

ADUBA :

- Musnadul Harith (Zawa'idul Haithamiy) Juzu'i na 1 shafi na 360.

BAYANI
********
Wannan hadithin yana karantar damu abubuwa da yawa. Daga ciki akwai :

1. FALALAR KALMAR SHAHADA : Ita ce fiyayyen abinda dukkan Annabawan Allah (as) suka fa'da da harshensu. Kuma babu masu samun babban rabo aranar lahira fiye da "AHLU LA ILAHA ILLAL LAAH" (Wato mafiya yawan fadarta aduniya).

Ita katangar Allah ce. duk wanda ya shiga cikinta to ya tsira daga dukkan azaba.

Duk wanda yake yawaita yinta, to koda Mutuwa ce tazo masa in sha Allahu ba zai kasa fadarta ba.

2. FALALAR YIN AZUMI : Lallai Azumi garkuwa ne daga dukkan Qunci. Kuma hanya ce ta samun tsarkakewar Ruhi da kuma kusanci da Allah da samun Gafararsa. Duk wanda Azumi ya zama shine aikinsa na karshe, to zai samu gafarar Allah da kuma Aljannarsa.

3. FALALAR CIYARWA : Ciyar da Miskinai domin Allah, yana daga cikin manyan hanyoyin gusar da fushin Allah, da samun kulawarsa. Yana da kyau mu rika taimaka ma Almajirai da Miskinai, da Nakasassu da sauran masu Qaramin Qarfi.

4. YAWAITA AYYUKAN ALKHAIRI : Ko yaushe ka zama mai kokarin bin Allah da neman yardarsa. Kar ka kasance cikin masu gangancin saɓa masa. Domin baka san shin wanne aiki ne zai zama aikinka na ƙarshe ba.Baka san yaushe ne zaka rasu ba.

Allah yasa mu dace.

DAGA ZAUREN FIƘHU (09-SHAWWAL 1437) 16-05-2016.

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more