ZAUREN FIQHU

'Dora hannunka akan Qirjinka... Zakaji yadda zuciyarka take bugawa, babu dare babu rana.. tana tafiya ne bisa wani Saiti na musamman wanda Ubangijinka yayi mata tun asali. Nisan tafiyar wannan saitin shine Gwargwadon nisan ajalinka. Kuma Ubangijinka yana sane da yawan adadin bugawar da yayi izini agareta. Idan lokacinta ya cika, ba zata jinkirta maka ba, Ba zata Qara motsi ba. Ranar da Mala'ikan numfashinka da Mala'ikan abincinka, da Mala'ikan abin shanka zasu zo suyi bankwana dakai, suce maka dukkan rabonka na duniyar nan ya riga ya Qare. Ranar da Iyayenka da 'Yan uwanka da iyalanka zasu kewayeka, amma ba zasu amfana maka komai ba... Ba zasu hana abinda zai sameka ya sameka ba, kuma ba zasu sanya ajinkirta maka ba, kuma ba zasu sanya a saukaka maka ba. Wallahi duk wannan kururuwar da sukeyi TA QARYA CE! Suna yin kuka ne don tsoron halin da zasu shiga bayan rasuwarka. Amma ba wai sunayi ne domin tausaya maka akan halin da zaka shiga ba.. Kuma WALLAHI duk cikin...

Hakika matsalar Istimna'i (wato Masturbation) gagarumar matsala ce wacce take shiga zuciyar masu yinta, tayi KAKA-GIDA. Kuma tana da wahalar fita gaba dayanta dole sai dai albarkacin addu'a da kuma yawaita ibada mutum zai samu wadatuwar tsoron Allah azuciyarsa harma ya zamto ba zai iya aikatawa ba. Mafiya yawan samari suna yi ne bisa niyyar wai zasu kauce ma ZINA. Basu san cewa shima wannan din babban Kaba'ira bane!! Matasa Maza da Mata da dama sun afka cikin wannan bala'in. Wasu cikin rashin sanin illolinsa, wasu kuma saboda tsabar Fajirci. Kuma kamar yadda zina take da mutukar Illa tana cutar da lafiyar mutum, ta chutar da hankalinsa, da gurbata tunaninsa, ta cire masa Kwayar Imani da tsoron Allah daga zuciyarsa, to hakanan shima Istimna'i yake lalata rayuwar mutum da mutuncinsa da lafiyarsa. Lallai wajibi ne ga duk mutumin da yake son kansa da arziki, kuma yake fatan gamuwa da Allah lafiya, ya nisanci Zina da dangoginta irin su Luwadi, Madigo, Istimna'i,...

MAGANIN CIWON SUGAR (DIABATES) TAMBAYA TA 1893 ******************** Assalamu alaikum malam, na kasance Ina fama da matsalar ciwon siga, Ina yawan jin kishirwa domin nakan sha pure water guda uku, sannan nakanyi fitsari sau biyar cikin dare. kadan ne bai cika robar fenti ba amma yanzu dana sha wani maganin asibiti ya sassauta nakan tashi sau biyu, kuma bana jin komi ajikina amma wani sa,in nakanji babbar yatsar kafana ya rike yayi tsami, sannan idona sai nayi nesa da waya nake gani,sannan yana kara ramar dani.Dan Allah malam a taimaka min da magunguna na musulunci DA zan yi amfani dasu domin samun lafiyata. daga wata baiwar Allah. AMSA ******* Wa alaikis salam wa rahmatullahi wa barakatuhu. Acikin magungunan Musulunci babu abinda ke magance matsalar ciwon Sugar (Diabates) fiye da Hulbah (Fenugreek). Tana kunshe da sinadarin Insulin wanda ke taimakawa wajen samar wa Jikin majinyacin abinda yake bukata. Don haka ki nemi garin Hulba cokali 7, garin Zaitun Cokali 7, Garin Fijil Cok...

HUKUNCIN KARBAR KYAUTUKA RANAR BIKI TAMBAYA TA 1892 ******************** Assalam Alaikum Warahmatullah. Malam Allah Yasaka da Alkhairi Ya kuma Biya da Gidan Aljanna. Malam Ina Da Wadansu Yan Tambayoyi Da fatan Allah Zai Bada Ikon Amsawa Ameeen. 1. Malam Dan Allah Menene Hukuncin Biki A Musulunci Ina Nufi Kamar yadda Mata Suke yi. Har ma da Wasu Mazan Za kaga Idan Abun Alheri Ya samu Mutum Kamar Bikin Suna Ko Bikin Aure. To Zaka ga An Kaiwa Mutum Kudi. idan Na kaiwa Mutum 2000 Shi kuma Idan Ya tashi Zai Kawo mun 4000 To Malam Haka Ya Halatta? 2. Malam shin ya dace Mutum Yayi ma Mutum HAPPY BIRTHDAY. Kaman A Social Media Zaka ga Mutane Suna Turama Junansu Birthday Wishes. 3. Malam Menene SUJUDUSH SHUKUR? Ya Kuma Akeyinta? Kuma Wanda Daliline Yasa Akeyi? Nagode Allah Yasaka da Alkhairi Daga Dalibinka. AMSA ******* Wa alaikumus salam wa rahmatullahi wa barakatuhu. Eh ya halatta idan wani abun murna ya samu 'dan uwanka, kamar aure, ko haihuwa kayi masa wani abu na kyautataw...

BISMILLAHIR RAHMANIR RAHEEM Abut Tufayl (ra) ya bada labari cewa Azamanin Annabi (saww) akwai wani mutum wanda aka haifa masa yaro. Sai ya daukoshi ya kawo wajen Manzon Allah (saww). Sai Annabi (saww) ya karbeshi ya sanya hannunsa mai albarka akan goshinsa. Nan take sai wani irin gashi mai mutukar kyawu kamar gashin wuyan doki ya tsiro akan goshin yaron. Har yaron ya girma gashin yana nan. To lokacin da Khawarij suka fito, sai wannan yaron yabi irin ra'ayinsu. Sai gashin nan ya zube daga goshinsa. Mahaifin nasa da yaga haka sai ya kamashi ya kulleshi agida, ya hanashi fita don kar ya koma wajensu. Abut Tufayl yace sai muka shiga wajensa mukayi masa wa'azi muka ce masa "Shin yanzu baka ganin albarkar Manzon Allah (saww) wacce take tare dakai gashi nan ta Zube?". Bamu gushe ba, muna yi masa wa'azi har sai da ya tuba ya dawo daga kan ra'ayinsu. Sai Allah ya dawo masa da wannan gashin akan goshinsa tunda ya tuba. Wannan Mu'ujiza ce mai girma daga Sayyi...

Ya Allah Ya Ubangijin Jibreelu da Mika'ilu da Israfeel!! Ya Ubangijin Annabi Ibraheem da Annabi Isma'eelu da Annabi Is'haqa da Annabi Musa da Annabi Eisa (as)!! Ya Ubangijin Annabi Muhammadu (saww).. Ya Masoyin Annabi Muhammadu (saww). Ya Masoyin bayinsa masu Ikhlaasi! Ya Mafi Jin-Qan Masu Jin-Qai, Ya Mafi Tausayin Gajiyayyu!! Ya Mai taimakon Raunana!! Ya Mai amsa rokon masu Roko!! Ya mai bayarwa ba tare da lissafi ba! Ya mai yafewa ba tare da ba tare da Hisabi ba!! Ya Allah muna godiya gareka bisa dukkan Ni'imomin da kayi mana afili da boye. Wadanda muka sani da wadanda bamu sani ba. Hakika Kai mai yawan kyauta ne ga bayinka. Ya Allah ka gafarta Zunubanmu, ka shafe kusakurenmu, Ka Warkas da Zukatanmu masu Jinya, Ka 'dora karayar Jikkunanmu. Ka shayar da Qishirwarmu, ka Qosar da yunwarmu. Ka Suturta tsaraicinmu. Ka rufa asiranmu, Ka Qarfafi rauninmu! Ya Allaah ka albarkaci rayuwarmu, Ka shirya dukkan Zuriyarmu, Ka ilmantar damu daga Jahilci. ka raya zukatanm...

Kowanne mutum yana yin kyauta ne da irin dukiyar gidansu. Don haka idan Mutum ya jefo maka Baqar magana ko ya zageka, Shi irin kayan gidansu kenan. Kai kuma yi Qokari ka danne fushinka ka mayar masa da kyakkawa ko kuma kayi shuru ka kyaleshi. Yin afuwa ga wanda ya chucheka musamman alokacin da kake da ikon ramawa ko daukar mataki akansa, Ba Qaramin abu bane. Manzon Allah (saww) yace "Duk wanda ya danne wani fushi alhali yana da ikon zartar dashi, to aranar Alqiyamah Allah zai yi kiransa agaban dukkan halittu yace masa "SHIGA ALJANNAH DUK TA INDA KASO". Babu wata ribar da zaka ci idan kayi jayayya ko Musu ko ramukon zagi ko cin mutunci. Amma lallai riba mai yawa tana tare dakai alokacin da kayi shuru ka danne fushinka. Allah yasa mu gane. DAGA ZAUREN FIQHU (02-03-2016).