LABARIN WASU MUTANE GUDA BIYU

Wani mutum daga cikin Banu Isra'eela yaje wajen wani daga cikinsu ya tambayeshi ranchen kudi DINARE DUBU. (1,000 Dinars).

Sai mutumin yace "Ina so ka kawo min shaidu wadanda zan kafasu amatsayin Masu bada shaida".

Sai shi mai neman ranchen yace "Allah shine Shaida".

Yace to kawo min wanda zai maka lamuni. Sai yace "Ai Allah ya isar mana amatsayin Mai lamuni".

Sai shi mai kudin yace "Lallai kayi gaskiya". Ya kawo kudin ya bashi, sukayi alkawari zuwa wani lokaci.

Sai shi Wanda yayi ranchen ya fita ya hau jirgin ruwa yayi tafiyarsa. Yaje ya biya bukatarsa da kudin.

Da lokacin biyan bashin yayi, sai yazo bakin ruwa (tashar jiragen ruwa) don neman jirgin ruwan da zai daukeshi zuwa wancan garin domin cika alkawarin da ya dauka.

Ya jira amma bai samu abin hawa ba. Don haka sai ya nemi wani itace ya tsagashi gida biyu, ya sanya kudin acikinsa, Sannan ya rubuta wasika ya sanya aciki, sannan ya mayar ya rufe. Ya dauko yazo dashi bakin kogin. Sannan yace:

"YA ALLAH KA SAN CEWA NAYI RANCHEN KUDI AWAJEN WANE, YACE IN KAWO WANDA ZAI MIN LAMUNI AMMA NACE MASA KAINE MAI YI MUN LAMUNI. KUMA YA YARDA DA HAKAN NE SABIDA KAI. SANNAN YA TAMBAYENI INA KAWO SHAIDA AMMA NACE MASA KAINE SHAIDANA. KUMA YA YARDA SABODA KAI. TO GASHI NAYI KOKARIN IN SAMU ABIN HAWAN DA ZAI DAUKENI DON INJE IN BIYASHI ABINDA YAKE BINA AMMA BAN SAMU BA. DON HAKA GA KUDIN NAN (YA ALLAH) NA BAKA AJIYARSU".

Da ya fadi haka sai ya jefa wannan itacen acikin kogin har sai da ya nitse. Sannan ya juya ya tafi. Amma duk da haka yaci gaba da neman abin hawan da zai daukeshi zuwa wajen wancan.

Ashe shi kuma wancan (mai kudin) yana zuba ido ko watakil an aiko wani ya kawo masa kudinsa. Don haka ya fita bakin ruwa. Yana zuwa sai yaga wani iche yana yawo akan ruwa. Sai ya dauka ya tafi dashi wajwn iyalinsa don su hura wuta dashi.

Yayin da ya faskara itacen sai yaga kudi (dinare dubu) aciki tare da wasika. Yana cikin mamakin haka, sai ga wancan wanda ya ranchi kudin na yazo.

Ya kawo masa wasu dinare dubu din. Sannan ya bashi labarin cewa "Wallahi ban gushe ba, ina ta neman abin hawan da zai kawoni wajenka don inzo in biyaka kudinka, amma ban samu ba. Sai yanzu".

Sai yace "Shin ka aiko mun da wani abu ne?".

Sai yace "Ai na gaya maka ban samu abin hawa ba, kafin wanda nazo acikinsa".

Sai mai kudin yace "Ai Allah ya riga ya isar maka da wannan wanda ka aiko acikin itacen nan.. Don haka ka koma da wadannan Dinare dubun".

Imamul Bukhariy ya ruwaito wannan Qissar acikin wani hadithi Sahihi daga Sayyiduna Abu Hurairah daga Manzon Allah (saww).

Wannan Qissr tana kunshe da darussa kamar guda biyu ko uku, ko sama da haka. Amma zanso kowanne dalibin Zauren Fiqhu yayi mana bayanin abinda ya fahimta, da kuma darasin da ya dauka daga wannan Qissar.

An gabatar da karatun ne a Zauren Fiqhu Whatsapp -2. Yau Talata 19-01-2016.