RAKUMI YAYI SUJADAH AGABANSA (SAWW)


Sayyiduna Anas bn Malik (rta) ya bada labari cewa:

"Akwai mutanen wani gida daga cikin Ansar (mutanen madeenah) suna da wani Rakumi wanda suke 'daukar ruwa dashi.

Watarana sai Rakumin nan yayi musu bore, ya hana su dora masa komai. Sai wasu daga mutanen Madinah din suka garzayo wajen Shugaban Halitta (saww) suka gaya masa halin da suke ciki, kuma suka xe masa rakumin ya Qi daukar ruwan, kuma yanzu haka ga shukokinsu sun fara bushewa, Bishiyoyin dabinonsu duk yayi yaushi saboda rashin ruwa.

Sai Ma'aiki (saww) yace ma Sahabbansa "KU TASHI MUJE". Sai suka tafi zuwa ga wani shinge (waro gona wacce aka katangeta) suka iske rakumin ya rakabe aciki, yaja daaga.

Yayin da mutanen suka ga Manzon Allah (saww) ya nufi wajen inda rakumin yake, sai suka ce "Ya Rasulallahi Rakumin nan fa ya zamanto kamar Mahaukacin Kare, don haka muna tsorace maka sharrinsa".

Sai Annabi (saww) yace "Ai babu abinda zai yi mun".

Mai ruwayar (wato Anas bin Malik) yace : "Yayin da Rakumin nan ya kalli Manzon Allah (saww) - (Kyawun nan da kwarjinin nan suka ratsashi) Sai ya taho kawai gabansa..

Yazo gabansa ya fadi yayi Sujada.

Sai Manzon Allah (saww) ya kamashi ya rike gashin goshinsa, sannan ya shigar dashi cikin wajen aikin.

Sai Sahabbansa suka ce "Ya Rasulallahi, wannan fa dabba ne marar hankali ma gashi yana yin Sujadah agareka. Amma mu da muke da hankali, muka fi chanchanta muyi maka, Sujadah kenan!!".

Da Shugaba (saww) yaji haka sai yace "A'A BAI HALATTA GA WANI MUTUM YAYI MA WANI MUTUM DIN SUJADAH BA.

DA ACE YA HALATTA WANI MUTUM YAYI MA WANI MUTUMIN SUJADAH, DA SAI NA UMURCI MACE TAYI MAIJINTA SUJADAH SABODA GIRMAN HAKKINSA AKANTA.

NA RANTSE DA SARKIN DA NUMFASHINA KE HANNUNSA, DA ACHE TUN DAGA DUNDUNIYARSA (SHI MIJIN) HAR ZUWA TSAKIYAR KANSA DUK GYAMBO NE (WATO RUBABBEN CIWO) MAI  'DIWA DA KUMA RUWA MAI 'DOYI YANA FITOWA TA CIKINSA,  SANNAN TA SUMBANCESHI TANA LASHEWA (CIWUKAN DA HARSHENTA) DUK DA HAKAN BATA SAUKE HAKKINSA DAKE KANTA BA".

Hadisi ne Sahihi aduba :

# MUSNADU AHMAD juzu'i na 3 shafi na 159.

# ALBIDAYAH WAN NIHAYAH Juzu'i na 6 shafi na 149.

ABIN LURA
************
Wannan Mu'ujizar tana karantar damu abubuwa da dama. Daga ciki akwai :

- Girman lamarin Manzon Allah (saww).

- Yadda dabbobi suke girmamashi. Sunyi imani dashi kuma sun san shi Manzon Allah ne (saww).

- Tawadhu'u irin na Manzon Allah (saww). Tunda yana zaune tare da Sahabbansa amma ya tashi ya bar abinda yakeyi. Don magance damuwar wani.

- Rashin halaccin yin Sujadah ga wanin Allah.

- Girman hakkin da Miji yake dashi akan matarsa.

Anan nake Qara jan hankalin 'Yan uwa mata, Musamman masu ganin cewa Mijinsu bai isa suyi masa kaza da kaza ba, cewa Suji tsoron Allah su lura da sakon da wannan hadisin yake kunshe dashi.

An gabatar da karatun ne a ZAUREN FIQHU WHATSAPP -(1) aranar Talata 16-02-2016.

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more