SIFFOFIN ALJANNAH, DAGA ZAUREN FIQHU

An gina Aljannah ne da tubali (blocks) na Zinare da Azurfa tatacciya. Simintin cikinta anyishi ne da Almiski mai mutukar Qamshi.

An cike tsakanin tubalanta da kayan ado na Zubarjadi da Yaaqootu. An halicci Qasar cikinta ne daga Za'afaran.

Tana da Qofofi guda takwas kamar haka:

1. Jannatul Ma'awa.
2. Daarul Maqaam.
3. Daarus Salaam.
4. Daarul Khuld.
5. Jannatul 'Adni.
6. Jannatun Na'eem.
7. Jannatul Khaseef.
8. Jannatul Firdaus.

JANNATUL MA'AWA ita ce daga Qasa, JANNATUL ADNI kuma ita ce matsakaiciya, JANNATUL FIRDAUSI kuma ita ce Qololuwa.

Acikin Aljannah akwai Gonaki da lambuna wanda tsawon kowacce gona da fadinta ya kai tsawon tafiyar shekara 100 ko fiye da haka.

Akwai bishiyoyi masu inuwa masu ni'ima da tsirrai marassa Qaya.

An Halicci bishiyoyim cikinta ne daga madaukakin Zinare da tatacciyar Azurfa.

Suna da manyan ganye kamar girman kunnen giwa, kuma 'ya'yan itacen bassu Qarewa. Suna nan nau'i-nau'i.

Wadanda suke Qaunar juna domin Allah zasu samu shiga Aljannah kuma acikinta za'a basu wasu Al'amudai na Yaqootu.

Akan Al'amudan akwai Dakuna (rooms) guda dubu saba'in (70,000) masu haske.

Kuma hasken Wadannan dakunan ne zai haske 'Yan Aljannah kamar yadda hasken rana yake haske mutanen duniya.

Akwai dakunan cin abinci yalwatattu ta yadda acikin dakin cin abinci guda za'a samu shimfidu (dining sheet) guda dubu saba'in (70,00).

Akwai Qananan yara masu hidima, suna zagayawa ko ina cikin gidan Aljannah. Sunci ado da kaya iri-iri. Kuma Su kansu suna haske kamar Lu'u.

Bishiyoyin dabinai da inabi wadanda 'ya'yansu ko yaushe nunannu suke. Kuma suna daf da Qasa. Girman kowanne nonon dabono yakai kamar Zira'i 12. Kuma kowanne kwayan dabino guda ya kai girman Tulu, Kuma fari ne tas kamar madara, Kuma babu Kwallo acikinsa. Zakinsa kuma wane Zuma!!

Kuma girman kowanne Inabi guda daya yakai girman tulu.

Sai wani Sahabi yace "Ya Rasulallahi guda daya zai isheni dani da iyalaina?"

Sai Manzon (saww) yace masa "AI GUDA DAYA ZAI ISHEKA DAKAI DA KABILARKA MA BAKI DAYA".

TUFAFIN 'YAN ALJANNAH:

Kowanne Dan Aljannah za'a sanya masa riguna guda 70 na haske. Masu taushi, masu kyalli, Kuma marassa nauyi ko kadan.

Wadannan rigunan kowacce kalarta daban, nau'inta daban. Kuma ba irin tufafin duniya bane, domin kuwa babu wacce take rufe 'yar uwarta.

Saboda tsananin haskensu da kyawunsu, ana iya ganin Siffar jikin mutum har Zuciyarsa da irin Qarfin soyayyar da take dauke dashi.

Wadannan Tufafin bassu tsufa ko datti, kuma bassu yagewa.

QORAMUN ALJANNAH

Acikin Aljannah akwai Qoramu (Kogi) guda bakwai:

1. Kogin ruwa.
2. Kogin Madara.
3. Kogin ruwan Zuma .
4. Kogin ruwan giya (Sharabun Tahoorun).
5. Kogin Kafoor.
6. Kogin Zanjabeel.
7. Kogin Tasneem.

DAGA ZAUREN FIQHU WHATSAPP.

Ya Allah muna tawassuli da fiyayyen bayinka (saww) domin alfarmarsa ka gafarta mana kasa muna cikin 'Yan Sahun gaba wajen shiga Aljannah.

Wannan tsohon rubutunmu ne tun na bara (last year).

'Yqn uwa ga Ramadhan nan ya kusanto. Sai mu dage mu nemi Aljannah da Yardar Allah.

www.facebook.com/zaurenfiqhu1

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more