SHAUKIN SON MA'AIKI (SAWW) DAGA KUTUTTUREN DABINO

Acikin jerin Mu'ujizozin Manzon Allah (saww) wadanda Zauren Fiqhu ke kawowa, in sha Allahu yau zamuyi magana akan Shahararriyar Mu'ujizar nan wacce duniya take labari. Wato Kukan da itacen dabino (Kututture) yayi saboda shauki, da kuma tashin hankalin da yaji yayin rabuwa da Ma'aiki (saww).

Hadisi daga Sayyiduna Jabir bn Abdillahil Ansariy (ra) yace : Manzon Allah (saww) ya kasance ranar Juma'a yana tsayawa ajikin wata bishiya ko itacen dabino (Idan zai yi Khutbah).

Sai wata Mace ko Namiji daga cikin mutanen Madeenah tace "Ya Rasulallahi ko mu sanya maka Mimbari ne?".

Sai Manzon Allah (saww) yace: "IDAN KUN SO". Don haka sai suka sanya masa Minbari.

Yayin da ranar Juma'a tayi, Manzon Allah (saww) ya tafi zuwa ga Minbarin, Sai wannan itacen dabinon yayi kururuwa irin Kururuwar da Jariri ke yi.

Sai Manzon Allah (saww) ya sauko (daga kan Minbarin) yaje ya rungumeshi. Sai ya rika yi wani abu kamar yadda yaro Qarami keyi idan an rarrasheshi.

Sai Manzon Allah (saww) yace "Ta kasance tana kuka ne saboda (rabuwa da) abinda ta kasance tana ji na Zikiri awajenta".

(Imamul Bukhariy ne ya ruwaitoshi).

Acikin riwayar kuma daga Jabir din (ra) yace:

"Masallacin (na Manzon Allah saww) ya kasance ne yana kafe akan kututturai na Itatuwan dabino.

Manzon Allah (saww) ya kasance yana tsayawa akan wani Kututture daga cikinsu. Amma bayan anyi masa Minbari watarana yana tsaye akan Minbarin sai muka rika jin nishi daga wannan kututturen tamkar irin nishin nan na rakuma mai naquda.

Har sai da Manzon Allah (saww) yazo ya dora hannunsa akansa, sannan yayi shuru".

(Imamul Bukhariy ne ya ruwaito).

Acikin wata riwayar wacce Imamu Ahmad da Ibnu Maajah suka karbo daga Sayyiduna Abdullahi 'dan Abbas (ra), Manzon Allah (saww) cewa yayi :

"WALAHI DA BAN RARRASHESHI BA, DA SAI YACI GABA DA KUKA HAR TASHIN ALQIYAMAH".

Acikin wata riwayar kuma Sai da Manzon Allah (saww) ya tambayeshi Shin kana so in dawo in cigaba damn yin Khutubah akanka, ko kuwa in saukaka acikin gidan Aljannah Muminai sure rika yin 'ya'yanka?".

Sai yace ya za'bi asanyashi agidan Aljannar.  Sai Annabi (saww) yace "TO NA SANYAKA".

ALLAHU AKBAR!!!

Al Imam Hasanul Basariy (rah) ya kasance duk lokacin da ya karanta wannan hadisin yakan yi kuka sannan yace:

"Ya ku taron Musulmai!  Ga Kututturen dabino yayi Kuka yayi kururuwa saboda Shauqin haduwa da Manzon Allah (saww).

Hakika ku kuka fi chanchanta kuyi irin wannan shauqin zuwa gareshi".

Allahu Akbar!! Allahu Akbar!!!

Ya kai 'Da uwana mai daraja! Sau nawa ka ta'ba yin kuka ka zubda hawaye, Kayi Kururuwa saboda Shauqin haduwa da Ma'aiki (saww)??

Wallahi in dai baka ta'ba yi ba, ya Kamata kayi ma kanka kukan rashin yin kukan..

In dai kasan zaka iya yin kuka saboda rabuwa da Mahaifinka ko Mahaifiyarka ko Miji ko Mata, ko dan uwa ko 'yar uwa, to mai yasa ba zakayi kuka saboda rashin haduwa da Manzon Allah (saww) ba?.

Shi yayi maka abinda Iyayenka da 'Yan uwanka ma ba zasu ta'ba yi maka ba. Kuma ya jure wahalhalu domin samun isowar sakon Allah zuwa gareka. Domin ya fidda kai daga hanyar Wuta zuwa ta Aljannah.

Salati da tasleemi da albarka su tabbata bisa Shugaban na farko da na karshe, Shugabanmu Annabi Muhammadu tare da iyalan gidansa tsarkaka da Sahabbansa adadin motsin dukkan halittun Allah. Ameen.

DAGA  ZAUREN FIQHU 07064213990 (02-02-2017  05-05-1438).

Comments

Post a Comment

Popular posts from this blog

BAMBANCI TSAKANIN MANIYYIN MAZA DA NA MATA

BISMILLAHIR RAHMANIR RAHEEM ************************************** Anan ZAUREN FIQHU Muna yawan samun tambayoyi akan wannan Mas'alar daga bangarorin Maza da mata. Amma in sha Allahu yanzu zanyi bayani daidai gwargwadon iko. Bismillahir Rahmanir Raheem. Ina fatan zaku gafarceni. Zanyi bayani dalla dalla (duk da cewar akwai nauyi sosai) to amma abu ne wanda ya shafi addini. Kuma bangaren tsarki ne wanda sai dashi ibadah zata yiwu. Maniyyi da Maziyyi suna da bambanci ta bangarori guda uku kamar haka: 1. Bambanci a yanayin Siffarsu. 2. Bambanci ayanayin da ake ji bayan fitarsu. 3. Bambanci a bangaren hukuncinsu. 1. SIFFOFINSU ***************** Manzon Allah (saww) shi da kansa yayi bayanin yadda siffarsu take yayin da yake bada amsa bisa tambayar da Sayyidah Ummu Sulaym tayi masa. Yace : "SHI DAI MANIYYIN NAMIJI, FARI NE KUMA YANA DA KAURI. SHI KUMA MANIYYIN MACE, FATSI FATSI NE, KUMA TSINKAKKE NE (BASHI DA KAURI). (Bukhary da Muslim ne suka ruwaitoshi). Akan wannan n
Read more

MAGANIN KAIKAYIN GABA

MAGANIN KAIKAYIN GABA TAMBAYA TA 1876 ******************** Ass. Mallam ya dawainiya da jamaa Allah yajikan iyaye amen. 1.Matata ce take fama da kaikayin gaba ataimaka mana da Magani. 2. Maganin karfin mazakuta saboda shekaruna basuwuce talatinba amma idan ina jimai daga naje sau daya sai innakoma a Karo nabiyu sai gabana ya mutu. Ataimaka mana da magani nagode. Daga U. Abdullah. AMSA ******* Wa alaikumus salam wa rahmatullahi wa barakatuhu. Shi kaikayin gaba yana da dalilai da suke kawoshi. Idan ba'a magance ainahin dalilin ba, to gaskiya za'a dade ana shan magani amma ba za'a samu nasara sosai ba. Idan tana da Jinnul Ashiq (Aljanin soyayya) wanda ke zuwa yana saduwa da ita, to lallai zatayi fama da Qaikayin gaba. Kuma ba ya jin magani har sai an magance ainahin aljanin dake tare da ita tukunna. Idan kuma wata chuta ce wacce ake dauka ta hanyar Jima'i, to shima sai an maganceshi kafin Kaikayin ya dena. - Ta nemi garin Hulba cokali 2, garin Magarya shi kuma co
Read more

ADDU'AR NEMAN KARIYA DAGA SHARRIN MAHASSADA DA AZZALUMAI

Idan kana tsoron cutarwa daga wani mutum, ko kana fuskantar cin mutunci daga gareshi, ko daga Jama'arsa, to ga addu'ar da zaka karanta domin samun kariya daga Allah. Kuma aniyarsu zata koma kansu in sha Allah. Ga addu'ar nan kamar haka: اللَّهُمَّ رَبَّ السَّمَاوَاتِ السَّبْعِ، وَرَبَّ الْعَرْشِ الْعَظِيمِ، كُنْ لِي جَاراً مِنْ (اِسمُه) وَأَحْزَابِهِ مِنْ خَلاَئِقِكَ، أَن يَفْرُطَ عَلَيَّ أَحَدٌ مِنْهُمْ أَوْ يَطْغَى، عَزَّ جَارُكَ وَجَلَّ ثَنَائُكَ، وَلَا إِلَهَ إِلَّا أَنْت Allaahumma Rabbas-samaawaatis-sab'i, wa Rabbal-'Arshil-'Azeem, kun lee jaaran min (Sai ka ambaci sunansa), wa 'ahzaabihi min khalaa'iqika, 'an yafruta 'alayya 'ahadun minhum 'aw yatghaa. 'azza jaaruka, wajalla thanaa'uka, wa laa 'ilaaha 'illaa 'Anta. Ya Allah, Ya Ubangijin Sammai bakwai! Ya Ubangijin Al'arshi mai girma! (Ina rokonka) Ka zama Mafaka agareni daga sharrin wane (Sai ka ambaci sunansa) dashi da jama'arsa daga cikin halittun
Read more